Yera la cabera seronda; la tarde diba entrando seliquino nun barcu d’enguedeyaos silencios sobre’l xardín, camín del crepúsculu.

Laila y Pablo aportaben d'un llargu viaxe; ente praos de llavanda y trigu midieron el so trayeutu; y de la que llegaron recibíenlos una mar estensa y unes güertes de maíz y pumares... d’adelfes y camelies en flor.

La blanca mirada de Laila sobre los azules que rescamplen nel hotel yera a pescanciar el rellume que calistraba al traviés de les ceramiques y los tapices del cuartu.